در حال بار گذاری
امروز: جمعه ۲۲ فروردين ۱۳۹۹

تندرستی > »ناغيل، حيکايه… کمپين«ي

روح‌انگيز پورناصح آناديليميز:کئچميش زامانلاردا، اوزون گئجه‌لرده، ايلنجه‌لي يئرلرين چوخ اولماماسينا گؤره، ائوده اوتورارميشلار. آمما گئجه‌لري جور به جور ناغيللارلا ايلنجه‌لي ائيلرميشلر.

    آناديليميز:کئچميش زامانلاردا، اوزون گئجه‌لرده، ايلنجه‌لي يئرلرين چوخ اولماماسينا گؤره، ائوده اوتورارميشلار. آمما گئجه‌لري جور به جور ناغيللارلا ايلنجه‌لي ائيلرميشلر.
    اينديسه عزيز يازيچيلار گئجه گوندوزوموزو اؤز ايسته‌ديييميز کيمي ياراتماق ايچون »ناغيل، حيکايه… کمپين«ينه دعوتلي‌سينيز.
    بير گون وارايدي، بير گون يوخويدو. »کرونا«دان باشقا هر شئي وارايدي.
    چوخ اوزاق کئچميشلرده، کرونا اولمايان چاغلار، اينسان قورخويلا، جور به جور دئولرله، ييرتيجي حئيوانلار، ويروسلارلا و … ال به ياخا اولاردي. بير سيراسيني اؤلدوروب، بير پاراسيني دا قوواردي. آمما اؤزونو باشقا وارليقلارا اوستون توتمازدي، هله قالسين هم جينسلرينه. آمما آستاـ آستا بيليمي آرتاندان سونرا داها قورخمادي. دئدي بس، آلله‌لار آلله‌ي اولوب. کيمسه‌يه بنده‌ليک ائله‌مهدي. اؤلدوردويونو اؤلدوردو، اؤلدوره بيلمه‌ديکلريني ده اؤلومجول ائله‌دي. ائله بيليردي هر شئي اونون اوچوندور و اونون الينده. بلکه ده بيلميردي قارشيسينداکي اؤزونو گوجلنديرير يوخسا بيليميني يوکسلدير.
    کرونا گلمه‌ميشدن اول بير به بير دؤيوشچولرين يوللاييردي، اولمايا انسانين بوش دامارين اله گتيرمک اوچون چاليشيردي. سارسدان، مرسدن، ابولادان و … هرهسي بير دؤنه گليب انسانين جانينا قورخو ساليب، بير آز دا قيريب، سونرا اؤلموشدولر. آمما معلوم اولور کي هاميسي اؤلمه‌ميشدير. اونلار اؤزلريني گوجلنديريب باشقا بير دونا گيرنده‌ن سونرا، يئنيدن قاييديب و بوتون دونياني هورکوتموشدولر.
    اينديسه کرونانين آدي قولاغينا دهييب؛ هر يئرده، هر کسه حکم وئره بيلرم دئيير. نييه بس، کئچميش زامانلاردا شاهلار هر ايش گؤره بيلرديلر. کيميسيني حبسه سالارديلار، کيميسيني اؤلدوروب، کيميسيني بوغارميشلار…
    ايندي بو کرونا اؤزونو شاهلار شاهي سانيب، هاميني حبسه سالاندان سونرا، بيريني بوغور، بيريني اؤلدورور، بيريني… اليندن گله‌ني اسيرگه‌مه‌يير.
    او اوّلکي شاهلاردان دا چوخ بيلير، ائله هامي آيريسيندان اؤيرنر، منيمسه‌ير، بيليميني چوخالدار. ائله بير سياست گؤتوروب کي، هامي کؤنوللو اولاراق ، ائشييه چيخماييم بيردن کرونا مني ده ياخالار دئيه، اؤزونو حبس ائدير.
    بو کروناني دا دييه‌سن قدرت کور ائله‌ييب، سانکي شاهلارين آخير عاقبت‌لريني اوخوماييب، بلکه ده اوخويوب، ياديندان چيخارديب.

نظر خود را بنویسید ...

نظر سنجی